Benutzer:Hommageur/Artikelentwurf D.M.H.

Dieser Artikel ist im Entstehen und noch nicht Bestandteil der freien Enzyklopädie Wikipedia.

Solltest du über eine Suchmaschine darauf gestoVorlage:SSen sein, bedenke, dass der Text noch unvollständig sein und Fehler oder ungeprüfte Aussagen enthalten kann. Wenn du Fragen zum Thema hast, nimm Kontakt mit dem Autor Hommageur auf.

Hinweis: Du darfst diese Seite editieren!

Ja, wirklich. Es ist schön, wenn jemand vorbeikommt und Fehler oder Links korrigiert und diese Seite verbessert. Sollten deine Änderungen aber der innehabenden Person dieser Benutzerseite nicht gefallen, sei bitte nicht traurig oder verärgert, wenn sie rückgängig gemacht werden.
Wikipedia ist ein Wiki, sei mutig!

• Vorbemerkung:

Der Oberdrauburger Bildhauer Hellmuth Marx beherrschte bzw pflegte die trabrigerische Mundart selber nicht aktiv. Er verstand aber sehr genau die eher derben mundartlichen Scherze, die am Oberdrauburger Wirtshaustisch bisweilen gemacht wurden über ihn, den in Graz und Wien ausgebildeten feinsinnigen Künstler, durchaus athletischen Sportler und begeisterten Rilke-Leser. Und er unterhielt sich gerne mit seinen auf Oberdrauburg-Besuch weilenden Vorarlberger Verwandten auch dann, wenn sie manchmal den ihm auch passiv fremden Vorarlberger Dialekt einsetzten.

Dar Marx Hellmuth , geborn in Linz, en 17. Juni 1915, gstorbm in Lienz, en 1. Jänar 2002, is a ëschtarreichischar Bildhauar gwesn.

Äs Lebm

Dar Hellmuth is äs jyngschte ven fynf Kindar gwesn. Sei Våtar, dar Marx Viktor ven Graz (1870-1928), is a Oufiziir in dar kaisarlichn Armee gwesn. Sei Muetar, dii Marx Clara, geborne Pichlar (1876-1948), is ven Tråbrig å'gståmmp (Gåschthouf Pouscht).

1926 is ar in dii Mittlschuel in Graz gången, in dar Haamät ven seinar Groaßmuetar ven Våter her (Theresia Pesendorfer ven anar Gwerknfamilie). Dii Matura håt ar gmåcht 1933 inn Marieninschtitut.

Ven 1933 wegk håt ar auf dar Technischn Hoachschuel in Graz siibm Semeschtar lång Architektur studiirt - eppa wouhl nåch mehrar Vorbildar aus dar Pichlar-Varwåndtschåft - und is danebm inschkribiirt gwesn auf dar Steirischn Låndeskunschtschuel ba dii Profesorn Daniel Pauluzzi, Alfred Wickenburg und Fritz Silberbauer. Sem werd ar wouhl aah ban Wilhelm Gössar studiirt håbm, ban Leitar ven dar Maschtarklass fyr Houlz- und Staanbildhauarei. Dar Wilhelm Gössar is dar Suhn ven Bildhauar Håns Brandstettar gwesn, der wås 1909 dii Gedenktåfl håt gmåcht fyrn Dichtar Marx Friedrich in Tråbrig, en Våtar ven Marx Viktor.

1938/39 håt ar gmyesst in Klågnfurt zen Militär giehn. Inn Krieg is ar nåch Låpplånd, Finnlånd und Norwegn gkemen. En Militärdienscht auf dar Nordmeerfront håt ar gekint untarbrechn ven Mai 1939 bis Jänar 1940. Wie dåss ar håt dii Aufnåhmspryefung beståndn håt ghåt, is ar a Gåschthёrar gwesn auf dar Ålgemeinen Bildhauarschuel ven dar Akademii fyr bildende Kynschte in Wien. Då is ar aah inschkribiirt gwesn inn Wintarsemeschtar 1941/42, fyr däs wås ar håt an Studienurlaab kriegg. Danåch håt ar wiidar auf dii Front gmyesst.

1946/47 is ar auf Wien auf dii Akademie am Schillerplatz hintargkemen, auf dii Maaschtaschuel fyr Bildhauarei ban Josef Müllner. 1948 håt ar a Bleibe gfundn in Halignbluet ban Groaßglocknar, wou sei Muetar håt gwouhnt und zwaa ven seine Schweschtarn. Nåch den dåss ar sei Studium in Wien håt å'gschloussn ghåt, is ar ven Juni 1947 bis Hirbescht 1955 in Halignbluet gebliibm und ven 1948 wegk håt ar gårbetet åls a freischåfnfigar Kynschtlar.

Woltan ane Jåhr is ar zwischn Halignbluet und Tråbrig bin und her gfåhrn, bis dåss ar sih inn End håt då niidarglåssn. Bis ze sein Sterbm håt ar inn Staanar-Haus gwouhnt , aufn Mårktplåtz in Tråbrig.

En 1. Jänar 2002 is dar Marx Hellmuth in Lienz inn Krånknhaus gstorbm.

Seine Årbetn

Åls a bildntigar Kynschtlar håt dar Marx Hellmuth mehrarntaals Mentschn å’gebildet. Än åln vorån is ar a Bildhaua gwesn, håt danebm åbar aah gmåln. Zwischneihhn håt ar ane Nåckntign gezeichnet und gmåln und spatar håt ar aah fotografiirt. Dii Negative mitsåmp dii Porträtaufnåhmen seind åbar varlorn gången.